काठमाडौं । विश्वभर कोरोना संक्रमितको संख्या दुई करोड ८६ लाख नाघेको छ । विश्व स्वास्थ्य संगठन का अनुसार विश्वभर कोरोना संक्रमितको संख्या दुई करोड ८६ लाख ५६ हजार सात सय ८४ पुगेको छ ।

शनिबार विहानसम्म विश्वभर कोरोना भाइरसबाट ज्यान गुमाउनेको संख्या नौ लाख १९ हजार सात सय ६ पुगेको छ भने कोरोना जित्नेको संख्या दुई करोड पाँच लाख ८२ हजार पाँच सय ८४ नाघेको छ।

गत वर्षको डिसेम्बरको अन्त्यबाट चीनको हुबे प्रान्तको वुहान शहरबाट शुरु भएको कोरोना भाइरस संक्रमणबाट हालसम्म अमेरिका सबैभन्दा बढी प्रभावित छ।

हालसम्म अमेरिकामा कोरोनाबाट एक लाख ९७ हजार चार सय २१, ब्राजिलमा एक लाख ३० हजार चार सय ७४, भारतमा ७७ हजार पाँच सय ६, मेक्सिकोमा ७० हजार एक सय ८३ जनाले कोरोना संक्रमणबाट ज्यान गुमाइसकेका छन् ।

नेपालमा हालसम्म काेराेना संक्रमणबाट ३ सय २२ जनाकाे ज्यान गइसकेकाे छ भने करिब ५२ हजारमा संक्रमण भएकाे छ । त्यस्तै हालसम्म ३३ हजार संक्रमित निकाे भएका छन् ।

LEAVE A REPLY

Please enter your comment!
Please enter your name here